[intro]
 آخر الزمان... يالله نشوفو حالنا كيفاش عاد 
Mmmmm... aaaahhhhh...heyyyyyy... heyyyyyy wily wily ya wily... Ya wily كيفاش عاد 
[Verse]
وحدا وحدا كترتو بين العباد
عايشين ما زدتو غير فالفساد
راكم عادتو  كي لجراد المراد
 في كلش خربتو  بلا حساب 
 سواقكم بالفسق ركبتوها ولات فالرواد
 لقدر سحقتوه و ما بقاو منو غير عواد
و لي قعد من الحيا حرقتوه ,و ولى رماد   
 و ادا سخطنا ربي هادي نتوما  فيها سباب
[Verse]
عايشين ما زدتو غير فالفساد
وقت وصلتونا ليه و كنا عليه بعاد
و بيكم ليوم حالنا شوفو  كيفاش عاد
بلا بنه ولات مواسمنا و لعياد
 لا سول لا لمه واينهم لحباب 
لقلوب قساحت و ملاها السواد
 و النفوس مريضى كلها تفيض بالحقاد
[Verse]
وحدا وحدا كترتو بين العباد
الحال ما رايح بيكم و هو  يعواج
لكبير راح  و الصغير ما فايقش وين صاد
 الولدين عادو يحكمو فيهم لولاد
 الخو نكر خوه و بدلو بالنساب
الحسد و البخل تلقاه مخبي عند لقراب
 و لغدر عاد يجي من عند الصحاب 
[Verse]
قالو الدنيا مع الواقف ولات
حلوا كانت و زادت حلات
و بيكم كملت واش خلات
 الكل ماشي  على الكحلا ماهوش حاد
وينو العاقل بينكم بهبالكم  هادا  تحاز
و الجاهل بالمال طغى ولى من  السياد
و هو لا نافع روحو و لا الناس فاد
 لعباد رخصو و الباقي كلش غلى و زاد 
تتعب و  تدمر و فلخر تعيش بالفتات
[Verse]
و هادو شبان ضاقت حوالهم فالبلاد
حاصلين لا خدما لا دار لا زواج
شقو لبحور زادمين للغربه فواج
كل واحد و زهرو يا راحت يا جات
قليل لي نجى و الباقي غرق بين المواج
راهي لميماتهم  محروڨا عليهم لكباد
 واحد بكياتو بعيد في غربتو  عاش
و واحد  شباب صغير تخطف مات
[Verse]
عايشين ما زدتو غير فالفساد 
يالي عمركم ما عرفتو الصواب
يا لي خلطتوها و مخيركم فالراشي شاد
يالي تبعتو لي في طريق الشر  ڨاد
يا لي مستحلين برودو و هو مديكم الواد
و يا لي كتيركم  من رحمة ربي هارب و هاج
 يا لي بعتو نفوسكم كل واحد واش جاب
يا طماعين راكم طحتو في يد  جلاب
راهو يبات ساري لي آمن شيطان كداب
[Verse]]
عند الله خبرها كي نوقفو  للحساب 
و كل واحد فعلو قدامو يقراه كتاب
قليل لي يمنع غير لي استغفر و تاب 
و الباقي على فعالو مكركر  للنار و العداب
ربي كيما راهو رحيم تاني راهو شديد العقاب